{[['
']]}
']]}
ജനപ്രിയനായകന് ദിലീപ് നാടോടിമന്നനാകുന്നു. രാഷ്ടീയ സാമൂഹിക വിമര്ശനം നര്മത്തില് ചാലിച്ചൊരുക്കുന്ന നാടോടിമന്നന്റെ ചിത്രീകരണം കൊച്ചിയിലും പരിസരപ്രദേശങ്ങളിലുമായി പുരോഗമിക്കുന്നു. നാടോടിമന്നന്റെ വിശേഷങ്ങള് ഈ ബ്ലോഗിലൂടെ വായിക്കാം.ദിലീപ് ഒരു ജനകീയകഥാപാത്രത്തെ അവതരിപ്പിക്കുന്ന പുതിയ ചിത്രമാണ് നാടോടിമന്നന്. വിജി തമ്പി സംവിധാനം ചെയ്യുന്ന ഈ ചിത്രത്തിന്റെ ചിത്രീകരണം പുരോഗമിക്കുന്നു.ജാഥാ തൊഴിലാളിയായ ഒരു യുവാവ് തിരുവനന്തപുരം മേയറാകുന്നതും തുടര്ന്നുണ്ടാകുന്ന സംഭവവികാസങ്ങളുടെയും അത്യന്തം രസാവഹമായ മുഹൂര്ത്തങ്ങളുടെ ചലച്ചിത്രാവിഷ്കരണമാണ് ഈ ചിത്രം.
ചെറുപ്പം മുതലേ പത്മനാഭന് ജാഥകള് കണ്ടും കേട്ടുമാണ് വളര്ന്നത്. അച്ഛന് സഖാവ് മാധവന് ആദര്ശശാലിയായ ഒരു കമ്യൂണിസ്റ്റ് പ്രവര്ത്തകനായിരുന്നു. മകനില് നല്ലൊരു ഭാവിതന്നെ അദ്ദേഹം പ്രതീക്ഷിച്ചിരുന്നു, പ്രത്യേകിച്ചും രാഷ്ട്രീയത്തില്. അച്ഛന്റെ കൈയും പിടിച്ച്, പത്മനാഭനും ജാഥകളില് പങ്കെടുത്തുപോന്നിരുന്നു. മാധവന്റെ ആകസ്മികമായ മരണത്തോടെ, ആ കുടുംബം ഒന്ന് പകച്ചു. പത്മനാഭന് രണ്ട് സഹോദരിമാര്. അമ്മയും വിവാഹിതയായ വാസന്തിയും താമസം തറവാട്ടില് തന്നെ.
വാസന്തിയുടെ ഭര്ത്താവ് എ.എസ്.ഐ. കോമളന് സസ്പെന്ഷനിലാണ്. ഈ സാഹചര്യത്തില് കുടുംബം പുലര്ത്തുകയെന്നത് മാത്രമായിരുന്നു പത്മനാഭന്റെ മുന്നിലെ ലക്ഷ്യം. രാഷ്ട്രീയഭാവി പ്രതീക്ഷിച്ചുനിന്നാല് കുടുംബം പട്ടിണിയാകുമെന്ന് കണ്ട സാഹചര്യത്തിലാണ് എല്ലാ രാഷ്ട്രീയപ്പാര്ട്ടിക്കാര്ക്കും ഏറെ ഉപകാരപ്രദമായ ഒരാളായി അവന് മാറുന്നത്. ഏത് രാഷ്ട്രീയപ്പാര്ട്ടിയുടെയും ജാഥാ തൊഴിലാളിയായി മാറി അവന്. അതുമായി ബന്ധപ്പെട്ട് അടിക്കടി തിരുവനന്തപുരത്തേക്ക്...
അങ്ങനെയൊരു യാത്രയിലാണ് അവന്റെ ജീവിതത്തിലെ ഒരു വലിയ വഴിത്തിരിവിന് കാരണമായതും. ആസന്നമായ നഗരസഭാ തിരഞ്ഞെടുപ്പില് അയാള് സ്ഥാനാര്ഥിയാകുന്നു. വിജയിക്കുന്നു. ഒപ്പം നഗരസഭാ അധ്യക്ഷസ്ഥാനത്തെത്തുന്നു. തുടര്ന്നുണ്ടാകുന്ന സംഭവങ്ങളാണ് കഥാഗതിയെ മുന്നോട്ടുനയിക്കുന്നത്.
ദിലീപ് എന്ന നടന്റെ സ്വതസിദ്ധമായ നര്മസിദ്ധിക്ക് ഏറെ പ്രാധാന്യം നല്കിയാണ് ഈ ചിത്രത്തെ അണിയിച്ചൊരുക്കുന്നത്.
മൈഥിലി, അര്ച്ചനാകവി, അനന്യ എന്നിവരാണ് നായികമാര്. റിയാസ് ഖാന്, നെടുമുടി വേണു, സുരാജ് വെഞ്ഞാറമ്മൂട്, ഷയിഖ് സാന്റെ (ധൂള് ഫെയിം വില്ലന്), ജനാര്ദനന്, ഷമ്മി തിലകന്, വിജയരാഘവന്, ഗീഥാ സലാം, കൂട്ടിക്കല് ജയചന്ദ്രന്, കലാഭവന് പ്രജോദ്, ശ്രീലത, കുളപ്പുള്ളി ലീല എന്നിവരും ഈ ചിത്രത്തിലെ പ്രധാന താരങ്ങളാണ്.
.jpg)
Post a Comment